“Bakı-2015” Birinci Avropa Oyunları 2015-ci il iyunun 28-də təntənəli bağlanış mərasimi ilə başa çatıb. Metropolitenin xidmətindən istifadə edən əcnəbi vətəndaşların maraqları nəzərə alınaraq, Oyunların keçirildiyi günlərə xüsusi hazırlaşmış “Bakı Metropoliteni” QSC-də Oyunların keçirildiyi müddət ərzində böyük işlər görülmüş, layihələr həyata keçirilmişdi. «Bakı Metropoliteni»QSC rəhbərliyinin qərarı ilə bu müddət ərzində metropoliten stansiyalarında 90 könüllü çalışıb. Avropa Oyunlarının ovqatı ilə yaşayan Bakıda, eləcə də metropolitendə bu günlərdə könüllülərin köməyinə ehtiyac var. Əksər qonaqların şəhərimizi hələ tərk etmədiyini və yarışlardan sonra paytaxtımızın mədəni həyatı ilə tanışlığını daha yaxından davam etdirdiyini nəzərə alaraq, «Bakı Metropoliteni»QSC-nin rəhbərliyi bir neçə gün ərzində metropolitenin stansiyalarında xidmət göstərmiş könüllülərin bir qisminin fəaliyyətini uzatmışdı. Onlar əcnəbilərin daha çox istifadə etdiyi və yaxından maraqlandığı «İçərişəhər», «Sahil», «28 May», «Koroğlu» və «Nizami» stansiyalarında çalışıblar.