16 OKTYABR / 2025 / 12:04
Maliyyə departamenti – Büdcə və planlama şöbəsi| İqtisadçı vakansiyası
Peşəkar komandamıza qoşulmaq üçün Büdcə və planlama şöbəsinə iqtisadçı axtarırıq!
Sizi hansı öhdəliklər gözləyir?
• Büdcə və maliyyə modelinin aylıq, rüblük, illik şəkildə mütəmadi yenilənməsi;
• Xidmətlərdən əldə olunan məlumatların konsolidasiyası və periodik əsasda analitik idarəetmə hesabatlarının (idarə heyəti, səhmdarları üçün) hazırlanması;
• Metronun əməliyyat xərcləri və gəlirləri üzrə iqtisadi və maliyyə təhlillərinin aparılması (OPEX, CAPEX, vahid xərclər);
• İdarəetmə üçün əsas performans göstəricilərinin (KPI) hazırlanması və monitorinqi;
• Excel və Power BI kimi alətlər vasitəsilə məlumatların vizuallaşdırılması və hesabatların hazırlanması.
Namizədlərdən tələblərimiz:
• İqtisadiyyat, biznes analitikası, riyaziyyat və ya əlaqədar ixtisas üzrə bakalavr dərəcəsi;
• 0–3 il iqtisadi və ya biznes təhlili sahəsində iş təcrübəsi (nəqliyyat, enerji və ya dövlət sektorunda təcrübə üstünlükdür);
• MS Office üzrə yüksək səviyyədə bilik, əsasən maliyyə modelləşdirilməsi olmaqla;
• Power BI bilikləri üstünlük sayılır;
• Texniki səviyyədə ingilis dili biliyi;
• FMVA/ACCA MA/PM və ya ekvivalent sertifikat üstünlükdür.
Metropoliten sizə nə təklif edir?
• Sabit və etibarlı iş mühiti;
• Peşəkar komandada inkişaf və karyera imkanları;
• Əmək bazarına uyğun rəqabətli əməkhaqqı;
• Metropolitendən ödənişsiz istifadə imkanı;
• Güzəştli nahar təminatı;
• “Metropolitan Apartments” istirahət mərkəzi və əməkdaşlıq etdiyimiz digər sanatoriyalarda güzəştli istirahət imkanı;
• Psixoloji dəstək xidməti.
Müraciət üçün
Bakı Metropoliteninin “hr@metro.gov.az” e-mail ünvanına mövzu hissəsində "Büdcə və planlama üzrə iqtisadçı" qeyd etməklə CV göndərə bilərsiniz.
Son müraciət tarixi: 31 oktyabr 2025-ci il
Uğurlar!
