02 APREL / 2025 / 15:05
Bakı metropoliteninin genişləndirilməsi layihəsi ilə əlaqədar Asiya İnfrastruktur İnvestisiya Bankının (AİİB) informasiya resurslarında ümumi satınalma bildirişi dərc olunub:
https://www.aiib.org/en/projects/details/2025/_download/Azerbaijan/GPN-Template_Baku-Metro-Expansion-Program_Phase-1-comments64_mod-by-EV.pdf
Bakı metropoliteninin genişləndirilməsi layihəsinin birinci mərhələsi çərçivəsində elektrik depolarının inşasının tamamlanması, habelə layihənin icrasına texniki yardım və dəstəyin ayrılması məqsədilə AİİB tərəfindən kredit vəsaitinin ayrılması nəzərdə tutulub.
Ayrılacaq kredit vəsaitlərinin bir hissəsi malların alınmasına, görüləcək işlərə və bir sıra xidmətlərə sərf ediləcək. AİİB tərəfindən maliyyələşəcək müqavilələrin satınalınması AİİB-in Borcalanları üçün Satınalma Təlimatlarında təsbit edilmiş prosedurlara uyğun olaraq həyata keçiriləcək. Bu təlimatlarda qeyd edilmiş tələblərə cavab verən bütün hüquqi və fiziki şəxslər satınalma prosedurlarında iştirak edə bilərlər. İlkin razılaşdırılmış satınalma planı və onun sonrakı yenilənmələri təsdiq edildikdən sonra AİİB-in informasiya resurslarında dərc ediləcək.
Layihə çərçivəsində beynəlxalq açıq tender üsulu ilə satınalınacaq müqavilələr üzrə xüsusi satınalma elanları “Bakı Metropoliteni” QSC-nin və AİİB-n rəsmi internet səhifələrində, eləcə də digər informasiya resurslarında dərc olunacaq.
Layihə üzrə malların alınmasında, işlərin görülməsində, xidmələrin təqdim edilməsində maraqlı olan, həmçinin əlavə məlumat əldə etmək istəyən və müvafiq tələblərə cavab verən hüquqi və ya fiziki şəxslər “Bakı Metropoliteni” QSC-yə müraciət edə bilərlər (əlaqələndirici şəxs - Layihələrin idarə olunması qrupunun rəhbəri Emil Vəliyev (emil.veliyev@metro.gov.az).
