10 IYUL / 2022 / 12:11
İyul ayının 4-dən Bakı metropolitenində qatarların hərəkəti yay qrafikinə uyğun qurulub. Buna uyğun olaraq, iyul ayının 3-dən metropolitenin rəsmi internet saytında iş günləri ərzində “Bakmil” istiqamətində və əksinə olmaqla, qatarların hərəkət cədvəli yerləşdirilmişdi.
Bu stansiya istiqamətində hərəkət edən sərnişinlərə iş günləri ilə yanaşı, istirahət (şənbə-bazar və bayram) günlərinin də hərəkət cədvəli artıq saytın müvafiq bölməsində yerləşdirilib.
Həmçinin Qırmızı və Yaşıl xətt üzrə qatarların qrafik üzrə “Bakmil” istiqamətində hərəkət cədvəli də yenilənərək sayta yerləşdirilib.
Sərnişinlərin diqqətinə çatdırırıq ki, 9-10 iyul tarixləri bayram günləri hesab olunsa da, metropoliten xətlərində qatarlar adi iş günü qrafiki ilə hərəkət edir. Əmək məcəlləsinə uyğun olaraq, 11-12 iyul tarixləri istirahət günləri elan edildiyindən, “Bakmil” istiqamətində və əksinə qatarlar məhz bu tarixlərdə istirahət günü cədvəlinə uyğun hərəkət edəcək.
