28 DEKABR / 2022 / 16:08
“Bakı Metropoliteni” QSC sərnişinlərinə bayram ovqatlı sosial layihələrini də təşkil edəcək. Dekabr ayının 29-30-da saat 11:00-dan başlayaraq “İçərişəhər” stansiyasında sərnişinlərə Şaxta baba, Qar qız, müxtəlif nağıl personajlarının iştirakı ilə Yeni il şousu təqdim olunacaq. Tədbirin gedişində metropoliten şən və hazırcavab Bəhram Bağırzadənin uşaqlar üçün qələmə aldığı kitablarının imza gününü də təşkil edəcək. Bayram günlərində bu stansiyada retro vaqonlardan ibarət qatar da nümayiş etdiriləcək. Xətlərdə bayram ovqatı ilə bəzədilmiş daha bir qatar da hərəkət edəcək. Bunlardan əlavə olaraq, bir neçə stansiyada milli və dünya musiqisinin incilərindən ibarət konsert proqramları təşkil olunacaq.
