08 FEVRAL / 2023 / 16:32
Azərbaycan Respublikası Prezidentinin 7 fevral 2023-cü il tarixli Sərəncamı ilə Azərbaycan Həmkarlar Konfederasiyasının bir qrup əməkdaşı Azərbaycanda həmkarlar hərəkatının inkişafındakı xidmətlərinə görə yüksək dövlət mükafatı ilə təltif edilib.
Mükafat alanlar arasında “Bakı Metropoliteni” QSC-nin Elektromexanika xidmətinin istehsalat-texniki şöbəsinin rəisi, xidmətin həmkarlar ittifaqı komitəsinin sədri Qədir Eldar oğlu Həsənli "Tərəqqi" medalına layiq görülüb.
1987-ci ildən metroda əmək fəaliyyətinə başlayan Qədir Həsənli 20 ildən artıqdır ki, metro həmkarlar ittifaqının fəaliyyətində yaxından iştirak edir. Uzun illərdir xidmətin həmkarlar ittifaqı komitəsinn sədridir. Metropoliten İşçiləri Həmkarlar İttifaqı idarə heyətinin və məclisinin üzvüdür. İxtisaslı mühəndis kimi çalışdıgı sahədə öz xidməti borcunu ləyaqətlə yerinə yetirməklə yanaşı, əmək kollektivinin həmkarlar ittifaqı sədri vəzifəsində də uğurlu fəaliyyəti ilə fərqlənir.
Qədir Həsənlini böyük dövlət mükafatına layiq görülməsi münasibətilə təbrik edir, ona bu fəaliyyətində, eləcə də peşə vəzifəsinin icrasında böyük nailiyyətlər arzulayırıq.
