z

2024-cü ilin aprel ayında sərnişindaşıma

2024-cü ilin aprel ayında sərnişindaşıma

07 MAY / 2024 / 11:39

2024-cü ilin aprel ayında Bakı metropoliteni ilə 20 milyon 510 min 190 sərnişin daşınıb. Orta statistik hesabla metropolitendən gün ərzində 683 min 673 sərnişin istifadə edib. Müvafiq güzəştli imtiyaza malik olaraq, metropolitendən ödənişsiz əsaslarla istifadə edənlərin sayı 537 min 988 sərnişin olub. Ay ərzində metropolitenə ən çox sərnişin ayın 16-sı (810 min 689), ən az ayın 7-si (395 min 658) daxil olub. 2024-cü ilin dördüncü ayının 10 qeyri-iş günündə metropolitendən 4 milyon 818 min 724 və yaxud orta hesabla gündəlik 481 min 872 sərnişin istifadə edib. Bu, ay ərzində daşınan bütün sərnişinlərin 23,49 faizi deməkdir. Aprel ayının 20 iş günündə metropolitendən 15 milyon 691 min 466 sərnişin istifadə edib ki, bu da bütün sərnişinlərin 76,51 faizi deməkdir. İş günlərində orta statistik hesabla 784 min 573 sərnişinə daşıma xidməti göstərilib. Ötən ilin aprel ayı ilə müqayisədə sərnişin sayında artım 7,6 % təşkil edib. Ümumiyyətlə, 2024-cü ilin aprelində pandemiyadan əvvəlki ən çox sərnişin daşınan 2019-cu ilin dördüncü ayına nəzərən 4,6 % az, 2022-ci ilin eyni dövründən isə 14,6 % və çox sərnişin daşınıb. Ümumiyyətlə, 2024-cü ildə 2019-cu ilin 4 aylıq dövrü ilə müqayisədə 4 faiz az, 2022-ci və 2023-cü illərin həmin aylarına nəzərən, müvafiq olaraq, 16,5 faiz və 3,2 faiz çox sərnişin metropolitendən istifadə edib.