19 MART / 2022 / 15:00
Milli-mənəvi dəyərləri, qədim adət-ənənələrimizi özündə əks etdirən Novruz bayramının tarixi çox keçmişə dayanır. Azərbaycan xalqı üçün xüsusi yeri olan Novruz bayramı ölkəmizdə böyük təntənə, coşqu, sevgi ilə qeyd edilir.
Novruz təzə il, baharın gəlişi deməkdir. Əsrlərin sınağından çıxmış Novruz bayramı mənəvi dəyərlərimizi, adət-ənənələrimizi özündə yaşadır.
Novruz başdan-başa ruh yüksəkliyi, əmək coşqunluğu, torpağa bağlılıq, insana məhəbbət aşılayan bir bayramdır.
“Bakı Metropoliteni” QSC-nin kollektivi hər birinizi bolluq, bərəkət, mehribanlıq, xeyirxahlıq, gözəlliyi və bir çox müsbət xüsusiyyətləri özündə əks etdirən Novruz bayramı münasibətilə təbrik edir, sizə doğmalarınız və yaxınlarınızla birlikdə cansağlığı, səadət, ruzi-bərəkət dolu günlər, bütün işlərinizdə uğurlar arzu edir.
Qoy, bu bahar təravətli Novruz ölkəmizə əbədi əmin-amanlıq, firavanlıq, bolluq gətirsin.
Novruz bayramınız mübarək, əziz həmvətənlər!
